إيه هو الـ AMS وفايدته إيه وأنواعه

إيه هو الـ AMS وفايدته إيه وأنواعهالـ AMS أو Automatic Material System هو الإكستنشن اللي بيتحكم في ترتيب دخول وخروج الخامات أو الألوان من البرنتر أثناء الطباعة، يعني بيُستخدم في الـ Multi Color Printers. لكن علشان تبقى عارف، شركة Bambu Lab بس هي اللي مسمياه بالاسم ده، وفيه منه AMS زي اللي مع X1C وP1S، وAMS Lite زي اللي مع A1 وA1 Mini.

عندك بقى Anycubic مسمياه ACE زي اللي مع Kobra 3، وكمان Creality مسمياه CFS زي اللي مع K2.

وده طبعًا بيختلف حسب التصميم، في منه مفتوح وشبه الاستاند، وفيه مقفول فقط، وفيه كمان مقفول وبيشتغل زي الدراير في نفس الوقت.

الفايدة الأساسية بقى إن الـ AMS بيوفرلك وقت ومجهود بشكل رهيب، خصوصًا لو عندك مشاريع كبيرة أو معقدة محتاجة ألوان وخامات مختلفة زي الموديلات الديكورية الشيك أو الأجزاء الوظيفية المظبوطة. باختصار يعني، الـ AMS بيحوّل تجربة الطباعة ثلاثية الأبعاد من حاجة يدوية بطيئة ومتعبة لتجربة تلقائية وسلسة جدًا تخليك تحس إنك في المستقبل.