اكبر كذبة منتشرة عن الطابعة في مصر
الفترة الاخيرة انتشر فيديوهات كتير علي السوشيال ميديا
انك ممكن تعمل مشروع ببرنتر 3D ويدخلك 500 الف ف الشهر و100 الف
وارقام أي كلام كده
اتكلمنا قبل كده وهنقول تاني اه انت ممكن تعمل مشروع بالطباعة
بس علشان مبدأ واحد وهو ان البرنتر تقدر تنفذلك منتجات كتير جدا لا حصر لها بدل ما تعمل لكل منتج اسطمبة وكمان في منتجات ملهاش طرق تصنيع الا بالطباعة ثلاثية الابعاد .
بس النقطة بقي هل انت معاك المنتج اللي السوق عطشان منه ؟
هل انت ضامن تسويق 100 ف المية للمنتج وانك هتبيع كميات ؟
هل انت معاك منتج يحل مشكلة حقيقية وتكلفته مقارنة باستخدامه صغيرة او مقارنا بالحل التقليدي له ؟
وعلشان تجاوب ع الاسئلة دي محتاج تجرب الاول تطبع عند حد
حتي لو بتكلفة اعلى اكيد من انك تطبع ف عندك بس لو المنتج بتاعك انتشر وبقي عليه طلب تقدر تجيب برنتر واتنين وحتي 10 زي ناس كتير وتعمل خط انتاج بدل ما ترمي فلوسك في الارض .
الحسبة بسيطة ف الاول احسب تكلفة البارت عليك وتكلفة التسويق وجرب واحنا برضو نقدر نساعدك ف الطباعة وبعد كده نرشحلك البرنتر المناسبة ليك .
ولو احتارت بعد كده ابعتلنا نوضحلك .