تخزين خامات الريزن بكل أنواعها مهم جداا
خد بالك إن الأماكن الباردة بتأثر بالسلب على خامة الريزن وعلى تجانس المركبات الكيميائية للخامة
كل نوع ريزن له مدة صلاحية من تاريخ الإنتاج وكمان له مدة صلاحية بعد الفتح ودي الأهم جدًا
في المتوسط مدة صلاحية الريزن حوالي 6 شهور من تاريخ الفتح وبتختلف حسب نوعه
اكتب على كل عبوة ريزن فتحتها تاريخ الفتح علشان تبقى عارف هتنتهي إمتى
حاول ما تخلطش الريزن المفتوح من فترة مع نفس النوع اللي لسه مفتوح جديد
الكحول يعتبر العدو الأول للريزن وهو في حالته السائلة فخلي بالك ما يختلطوش بأي طريقة أثناء التنضيف حتى
العدو الأكبر للريزن هو الشمس وده لأن ضوء الشمس فيه أشعة UV بتأثر عليه وممكن كمان تخليه يتصلب جزئيًا داخل العبوة مع الوقت
ما تنساش ترج العبوة كويس جدًا قبل الاستخدام
ولو شايف إن في حاجة تانية مهمة ممكن تشاركنا بيها في الكومنتات