الطباعة باستخدام خامات مرنة (Flexible Filaments)
طبعًا بتختلف حسب درجة المرونة والفرق في الاستخدام،
عندك مثلًا PLA-F ده مش مرن، لكن البارت بيكون مقاوم للصدمات
يعني لو اتخبط منك ما يتكسرش، وممكن تعمل منه كفرات للأجهزة وتستحمل معاك
طبعًا الـ TPU:
ده بقى الرابر أو المطاط بمعنى أقرب،
وله عامل مهم جدًا بيقيس مدى المرونة زي
(60A – 83A – 90A – 100A)
كل ما الرقم يقل كل ما المرونة تكون أكتر، وكمان الطباعة تبقى أصعب شوية
خد بالك ممكن تلاقي شركة زي Esun مسمياه eTPU،
عادي هو هو برضو
علشان تطبعه لازم شوية تركات:
1- أولًا يفضل الـ Direct Extruder عن الـ Bowden Extruder
علشان ما يحصلش انسداد للنوزيل أو تقابلك مشكلة مع الـ Retraction
2- لازم تظبط درجة حرارة الماتريال وحسب البراند،
لكنها غالبًا بتتراوح من 215 إلى 225
3- مهم جدًا تاخد بالك من التبريد وتقليله (20% – 50%) حسب البرنتر
4- سرعة البرنتر في أول لاير لازم تكون مش عالية،
وسرعة الطباعة ما تتعداش 60 mm/m
5- زود الـ Retraction من 1 إلى 2 ملي حسب البرنتر بتاعتك
6- يفضل برضو تعمله Drying قبل الطباعة
قولنا، طباعة الـ TPU ممكن تفيد مجتمع الصناعة في إيه؟