عميل بيسأل ويقول: أبغى أسألك عن اسم طابعة أقدر أستخدم فيها 4 ألوان، وهل في طابعة أقدر أستخدم فيها أكتر من 4 ألوان؟
معظم الشركات الفترة دي بدأت تنزل برنترات Multi Color. شركة Anycubic نزلت Kobra 3 وKobra 3 Max، والاتنين بييجوا معاهم ACE اللي بيخلي البرنتر تطبع لحد 4 ألوان، وكمان تقدر تضيف له واحد كمان وتطبع لحد 8 ألوان.
شركة Creality نزلت HI بنفس المميزات، وعندها برضو K1 Max.
في كمان Prusa، ودي مش نظام بكرة بتتبدل، لأ، لكل بكرة هوت إند خاص، وده بيوفر وقت وخامات كتير جدًا، لكن طبعًا سعرها أعلى.
السوق فيه خيارات كتير جدًا، إنت حسب احتياجك وحسب إمكانياتك هتلاقي برنتر تناسبك.
إزاي تشغّل البرنتر وتخلّي ريحة المكان حلوة
الحقيقة إن أغلب الطابعات بتشتغل عادي في أي مكان، لكن اللي بيفرق فعلًا هو إزاي تتحكم في الهواء والروائح.
PLA: ريحته خفيفة ومش مزعجة، بس وجود تهوية بسيطة أو فتحة شباك بيخلّي الجو أنضف. ABS: هنا الموضوع مختلف شوية، خامة الـ ABS بتطلع ريحة نفاذة مع الحرارة العالية، والحل يكون في طابعة مقفولة بفلتر كربون أو HEPA، أو استخدام أنبوب تهوية يسحب الهواء لبرا.
قبل ما تبدأ الطباعة، امسح الـ Bed بوايبس لها ريحة كويسة أو منديل مبلول ومعطر، ومع الوقت وحرارة الـ Bed الريحة هتنتشر حول البرنتر وهتبقى ريحة المكان ممتازة.
حاول ما تطبعش في مكان واحد في البرنتر علشان تحافظ على الـ Bed
نقطة صغيرة لكنها بتفرق جدًا في عمر الـ Bed وجودة الطبعة: ما تطبعش دايمًا في نفس المكان. الطباعة المتكررة على نفس الجزء من الـ Bed بتخلي السطح يتآكل أسرع وتظهر مشاكل في الالتصاق. الحل بسيط: وزّع مكان الطباعة كل مرة (يمين، شمال، قدّام، ورا) علشان الحمل يتوزّع والـ Bed يعيش أطول. الخلاصة: زي ما بتغيّر مكان جلستك علشان ترتاح، الـ Bed برضه محتاج “تغيير مكان” علشان يفضل بحالته. جرّبت قبل كده تحس إن الطبعة مش ماسكة كويس في نفس النقطة اللي بتطبع فيها دايمًا؟
الميزة دي بتديك تحكّم أذكى في المروحة أثناء الطباعة، يعني بدل ما المروحة تشتغل بنفس القوة طول الوقت، تقدر تحدد قوة مختلفة حسب الارتفاع أو تفاصيل معيّنة في الطبعة. الطبقات الأولى محتاجة أقل تبريد علشان تلزق كويس بالـ Bed. في الأجزاء الرفيعة أو التفاصيل الدقيقة التبريد العالي مهم علشان الخامة ما تسيحش وتحافظ على الدقة. ومع الخامات المختلفة: PLA بيحب تبريد قوي، بينما ABS و ASA محتاجين تبريد محدود جدًا علشان ما يتقوّصوش.
استخدام Sequential Printing
بدل ما البرنتر يطبع كل الأجزاء مع بعض طبقة طبقة، الميزة دي بتخلّيه يخلّص قطعة كاملة الأول وبعدها يبدأ في اللي بعدها. الفايدة الأساسية: لو حصل خطأ أو فشلت طبعة، هتخسر قطعة واحدة بس مش كل الشغل. كمان بتفيد جدًا في الأجزاء الصغيرة لأن الطابعة مش هتضطر تلف حوالين كل القطع في كل طبقة، وبالتالي النتيجة أنضف وأسرع. لكن خليك واخد بالك: لازم يكون في مسافة كفاية بين القطع علشان الهيد ما يخبطش في القطعة اللي خلصت وهو بيتنقّل. وكمان لو البكرة بتاعتك مش قادر تحسب هتطبع كام بارت، الطريقة دي هتخليك لو الخامة خلصت في النص تخسر بارت واحد بس. دا غير إنها في بعض الأحيان بتوفّر وقت لأن مفيش فيها Traveling.
استخدام Custom Profiles
معظم السلايسرز زي Cura أو Bambu Studio بييجوا بإعدادات افتراضية شغّالة، لكن مش دايمًا مناسبة لاحتياجاتك، وهنا ييجي دور الـ Custom Profiles. لكل خامة Profile خاص بيها: PLA، ABS، TPU… كل خامة ليها إعدادات حرارة وتبريد وسرعة مختلفة. وكمان لكل برنتر Profile، حتى لو نفس الخامة، الطابعة المفتوحة غير المقفولة والنتيجة بتختلف. وفي المشاريع الخاصة، مرة تحتاج جودة عالية ببطء ومرة تحتاج سرعة على حساب التفاصيل.
تقدر تنزّل بروفايلات جاهزة ناس عملتها وجربتها وطلعت بأفضل أداء، أو تعمل بروفايل خاص بيك يناسب إعداداتك، أو حتى تكلمنا ونبعتلك بروفايل البرنتر لو عندنا ومجاني.
ضبط إعدادات التهوية (Venting)
التهوية مش بس للراحة أو تقليل الريحة، دي كمان بتأثر على جودة الطباعة وثبات الخامة على الـ Bed. PLA بيحتاج جو معتدل، والتهوية الجيدة بتساعد على تبريد القطعة وتمنع الـ Warping. ABS وASA العكس تقريبًا، التهوية الزايدة ممكن تسبب تشققات أو تقوّص، والأفضل بيئة دافية ومقفولة مع أقل تهوية ممكنة. علشان كده لو هتطبع ABS أو ASA لازم تقفل البرنتر أو تشتري برنتر مقفولة من الأول.
الطابعات المقفولة غالبًا بيكون فيها نظام تهوية مدمج بفلتر كربون علشان يقلل الروائح ويحافظ على استقرار الحرارة. وتقدر كمان تتحكم في إعدادات Venting Speed في بعض السلايسرز، يعني قوة المراوح أو سحب الهواء من داخل الـ Chamber.
Flow Rate
الـ Flow Rate هو نسبة تدفق الفيلمنت من النوزل مقارنة بالقيمة الافتراضية (100%). ببساطة هو اللي بيحدد إذا الطابعة بتطلع خامة زيادة أو قليلة. أعلى من 100% يعني خامة زيادة: خطوط بارزة، زوايا مش مظبوطة، وطبقات ملزوقة زيادة عن اللزوم. أقل من 100% يعني خامة قليلة: فراغات بين الخطوط، ضعف في الالتصاق بين الطبقات، أو ما يُعرف بـ Miss Layer وسطح غير متماسك.
علشان تظبطه اطبع Calibration Flow، ومنها هتاخد قيم بأشكال مختلفة، اختار المناسب ليك وعدّله على السلايسر.
تحسين إعدادات الطبقة الأولى (First Layer)الطبقة الأولى هي أساس كل الطباعة، لو مسكت كويس غالبًا الطبعة كلها هتنجح، ولو فشلت هتضطر تعيد من الأول. واحد: Layer Height خلي الطبقة الأولى أكبر شوية (0.2–0.28mm) علشان تمسك كويس. اتنين: Speed قلّل السرعة (20–30mm/s) علشان تدي وقت للفيلمنت يلزق في الـ Bed. تلاتة: الحرارة ارفع حرارة النوزل شوية أعلى من باقي الطبقات، وسخّن الـ Bed كويس (مثلًا PLA = 60°C، ABS = 100°C). وطبعًا متنساش تنضف الـ Bed كويس جدًا. أربعة: التبريد قلّل أو اقفل المروحة في الطبقة الأولى علشان ما تبردش بسرعة وتتفك. إعدادات إضافية: استخدم Brim أو Raft لو القطعة صغيرة أو الخامة صعبة، وحط قافلة حلوة.
تحسين إعدادات التبريد (Cooling)الـ Fan Cooling مش رفاهية، هو عنصر أساسي بيأثر مباشرة على جودة الطبعة. الطبقات الأولى: قلّل أو حتى اقفل المروحة علشان الخامة تمسك كويس في الـ Bed. PLA بيحب تبريد قوي (100%) علشان التفاصيل تبان أوضح والطبقة تلزق بسرعة. ABS / ASA العكس تقريبًا، التبريد العالي ممكن يسبب تقوّص أو تشققات، فخلي المروحة قليلة جدًا أو مقفولة. الأجزاء الدقيقة أو الـ Bridges زوّد التبريد علشان الخامة تجمد بسرعة وتتحمل المسافات في الهوا.
وفّر أكتر من 50% من الريزنبدل ما تطبع الموديل Solid (مليان بالكامل)، تقدر تخليه مجوّف من جوه بسمك إنت اللي تختاره، وده ليه فوائد كبيرة خصوصًا مع طابعات الريزن. توفير خامة: استهلاك أقل = تكلفة أقل. وزن أخف: الموديل بيكون أخف وأسهل في الاستخدام أو التركيب. تقليل مشاكل الطباعة: الموديلات الكبيرة Solid ممكن تقوص، التفريغ بيخفف الضغط. لكن خد بالك: لازم تعمل فتحات تصريف Drain Holes علشان الريزن الزايد يخرج وما يتخزنش جوه البارت. وخلي الـ Wall Thickness مناسب (غالبًا 2–3mm) علشان الموديل يفضل قوي.
أكبر كذبة منتشرة عن الطباعة في مصرالفترة الأخيرة انتشرت فيديوهات بتقولك إنك ممكن تعمل مشروع ببرنتر 3D ويدخلك أرقام خيالية شهريًا. آه، ممكن تعمل مشروع بالطباعة، لأن البرنتر يقدر ينفذلك منتجات كتير جدًا بدل ما تعمل لكل منتج اسطمبة، وفي منتجات ملهاش طرق تصنيع غير الطباعة. بس السؤال الحقيقي: هل معاك المنتج اللي السوق محتاجه؟ هل ضامن التسويق والبيع؟ هل منتجك بيحل مشكلة حقيقية وتكلفته مناسبة؟ علشان تجاوب، جرّب الأول تطبع عند حد بتكلفة أعلى، ولو المنتج نجح وبقى عليه طلب ساعتها تقدر تجيب برنتر واتنين وحتى عشرة وتعمل خط إنتاج بدل ما ترمي فلوسك. الحسبة بسيطة: احسب تكلفة البارت وتكلفة التسويق وجرّب، وإحنا نقدر نساعدك في الطباعة وبعدها نرشحلك البرنتر المناسبة ليك. ولو احتارت ابعتلنا ونوضحلك.
إزاي تصلّح مشاكل الانحناء (Warping)الموضوع كبير لكن هنبسّطه: أولًا اتأكد من الـ Bed Level لأنه سبب رئيسي. تأكد إن الـ Z Offset مظبوط لا عالي ولا واطي. لو البارت مش ثابت استخدم مادة لاصقة بسيطة. كل خامة ليها حرارة Bed مناسبة لازم تلتزم بيها. لو بتطبع ABS يفضل تكون الطابعة مقفولة أو تعمل Enclosure. اضبط إعدادات التبريد خصوصًا في أول لاير. لو البارت كبير استخدم Brim، ولو طويل ورفيع استخدم Raft.قولنا بقى عملت كام كيلو هدر بسبب الـ Warping؟
