Report Anycubic Mono 4
طبعًا كلنا عارفين الـ Mono 2، وللي مش عارفها برضو هي برنتر حققت نجاح كويس جدًا لأن سعرها اقتصادي جدًا، بشاشة 4K مع مساحة 6.6 إنش، فكانت جودتها كويسة جدًا.
دي بقى الأخت الكبيرة ليها، أو نقدر نقول التحديث الأخير لها بنفس مساحة الطباعة والأبعاد تقريبًا، لكن بجودة 10K يعني دقة أعلى مرتين ونص.
جودة الطباعة بتوصل لـ 17 ميكرون، وده ممتاز جدًا مع برنتر بالسعر ده، وتقدر توصل لسرعات أعلى منها بس مع الريزن الـ High Speed.
محتوى البوكس
أول حاجة البرنتر نفسها، وزنها حوالي 4 كيلو بس، فمتتصدمش لما تفتحها إنها خفيفة.
معانا الـ Build Plate في الأول، طبعًا حجمها صغير بمقاس 15.3 سم × 8.7 سم.
كل المكن دلوقتي بتنزل بـ Texture بيسمح للبارتات إنها تلزق بشكل أفضل.
تاني حاجة معانا التانك (VAT).
وللأسف الـ Tank من البلاستيك، ومش عارف ليه رجعوا يعملوه بلاستيك تاني.
طبعًا مش هيضر بحاجة، بس كان هيبقى أفضل لو كان Metal، لأن المعدن بيعيش أكتر ويتحمل، لكن كده كده متوفر، وفي ناس بتشتري اتنين علشان متفضلش تغير الريزن.
نيجي بقى لبوكس الأدوات (Tools Box):
مفيهوش حاجة جديدة غير الفلاشة، والاسكرابر الاتنين، وشوية جوانتيز وفلاتر، والأدوات اللي هتظبط بيها الـ Leveling.
وهنا نيجي للبرنتر نفسها، وطبعًا برنتر بالسعر الاقتصادي ده مفيهاش Auto Bed Level، بس عادي جدًا، مش مشكلة. مش هتعمله كل يوم، هي أول مرة وبعد كده كل فترة.
البرنتر
أول حاجة الكافر، شكله شيك لأنه دارك، بس خفيف شوية، وده مخليه لما يتركب ميبقاش ثابت قوي زي أي كافر للأسف.
محور Z من البلاستيك، لكنه كويس، ومكان تثبيت الـ Build Plate مناسب.
الـ USB سهل توصله من ناحية اليمين، وطبعًا مفيش Wi-Fi.
ومن جنب محور Z فيه مكان للـ AirPure.
من الخلف عندك مدخل الباور وهو Power Supply خارجي، وده كويس، وكمان زرار الباور.
الشاشة بسيطة جدًا وسهلة في التعامل، عبارة عن 4 قوائم بس، منها الطباعة أو Tools علشان تظبط الإعدادات وتعمل Leveling.
أما بالنسبة لشاشة الـ UV:
الشاشة 10K مقاس 7 إنش، يعني أكبر من الـ Mono 2 بحوالي 0.4 إنش، وجودة الطباعة زي ما قولنا بتوصل لـ 17 ميكرون.
الشاشة التاتش سهلة جدًا، فيها 3 قوائم تقدر تتحكم بيهم في البرنتر، تعمل Leveling، تختبر الشاشة، وطبعًا تطبع من الفلاشة.
Wash & Cure 3.0
معانا بقى جهاز الـ Wash & Cure 3.0.
خلينا نشرح الأول هو إيه أصلًا:
من اسمه واضح إنه بيغسل البارت، لأن الريزن بجميع أنواعه بيحتاج يتنضف بالكحول.
وده دوره الأساسي: يضمنلك تنظيف البارت بشكل متقن جدًا.
كمان بيخلي السابورت أطرى، فتعرف تشيله بسهولة وتنضف مكانه كويس.
وبالإضافة لكده بيعمل Cure للبارت علشان يبقى أكثر صلابة حسب استخدامك.
محتويات البوكس
معانا الـ Tank اللي تحته مروحة فيها Magnet بأقطاب عكس اللي موجودة في الجهاز، علشان تنقل الحركة وتقلب الكحول لما تحط البارت جواه.
وطبعًا الشبكة علشان لو البارت اتحط مباشرة ما يخبطش في المروحة.
وهنا نحب ننبه:
أوعى تنسى وتحط في الوش بارتات أصغر من مساحة الفتحات دي، لأنها هتتفرم.
تاني حاجة هي البلايت الخاصة بالـ Curing، ودي زي المايكرويف بتاع البيت، بتلف علشان البارت يتشبع بالأشعة من كل الجهات، يعني 360 درجة.
وطبعًا فيه UV Extension تقدر تركبها علشان تزود تركيز الأشعة حسب استخدامك.
لما نفتح الجهاز بنلاقي شاشة أحدث من اللي فات وكبيرة.
مميزتها زي أي جهاز Cure إنها فيها Alarm وكمان Sensor يمنع تشغيل الجهاز إلا لما تركب الكافر، حفاظًا على سلامتك.
وكمان سعرها كويس جدًا بالنسبة للإمكانيات.
وبكده نكون وصلنا لنهاية الفيديو.
حابين نشكركم على المتابعة، ومتنسوش تدعمونا علشان نقدر نقدم لكم كل جديد.
والمفاجأة هي:
إننا في Lancer3D بنوفر لكم الاتنين مع بعض تقريبًا بسعر البرنتر لوحدها.
تقدروا تزوروا موقعنا وتشوفوا التفاصيل.
في النهاية، البرنتر كويسة جدًا وموجودة عندنا.
ده كان ريفيو عن مميزاتها وعيوبها، لكنها كسعر مناسبة جدًا لأي حد بيبدأ، ومناسبة جدًا جدًا لأي حد عنده برنتر عالية وحابب برنتر تانية تساعد جنبها أو تسندها.
نتمنى نكون أفدناكم.