عمر البرنتر الريزن متوقف على إيه؟

عمر البرنتر الريزن متوقف على إيه؟

أولاً كده أنت لازم ترجع للريلز بتاعتنا تتعلم إزاي تحافظ ع البرنتر.

عمر البرنتر بقى بيتوقف على شوية حاجات، أهمهم نوع الشاشة اللي في البرنتر بتاعتك هل هي DLP‏ ولا LCD‏؟ برضه لو مش عارف الفرق ارجع لفيديو الفرق بينهم، لأن كل نوع منهم له عدد ساعات إضاءة.. أيوة إضاءة، علشان الناس فاهمة الموضوع غلط.

بتتحسب إزاي يا جودة؟

أنا لو بطبع مثلاً بارت 100 لاير، وكل لاير لها إكسبوجر 3 ثواني، والـ Slicer‏ قالي إن الطباعة مثلاً تلت ساعة.. هل دا معناه إن العمر الافتراضي للشاشة هينقص تلت ساعة؟ لا.

إحنا هنطبع 100 لاير وكل واحدة 3 ثواني، يعني إجمالي إضاءة الشاشة 300 ثانية، يعني 5 دقايق فقط اللي استهلكتها.

طيب والـ 15 دقيقة دول فين؟

دول بقى الوقت اللي البرنتر بتبدأ فيه طباعة وتنزل من نقطة الصفر، أو حتى تعمل Calibration‏ لو فيها Auto Leveling‏، وكمان الوقت اللي بتنتظره البرنتر بين كل طبقة والتانية. وكلها عوامل بتأثر على مدة الطباعة.