Report Anycubic Kobra S1

Report Anycubic Kobra S1

والريفيو المرادي هيكون مختلف تمامًا وممتع جدًا، لأن بصراحة Anycubic عملت برنتر مجمّعة فيها مميزات كتير جدًا.
البرنتر طبعًا Multicolor وتقدر تطبع لحد 8 ألوان يعني اتنين ACE، وهنكلم عنه لوحده طبعًا.

مبدئيًا كده البرنتر مقفولة يعني Fully Enclosed CoreXY Build،
وده مخليها تنفع جدًا في طباعة الخامات المختلفة زي ASA – ABS – Carbon Fiber.
ومعاك مساحة طباعة 25×25×25 سم، أو باختصار 25 سم مكعب.

التصميم الخارجي

بصراحة تصميم ممتاز، وأول وهلة هتفتكر إنها من المعدن. شكلها حلو جدًا ويوحي إنها Metal، لكن الحقيقة إن البرنتر من البلاستيك حتى الباب من الأكريليك وخفيف شوية لكنه كويس، والغطاء كمان.
على عكس المتوقع، العزل الحراري ممتاز جدًا. خد بالك وانت بتطبع PLA افتح الباب علشان الحرارة ما تسببش Warping.
كمان شاشة 4.2 إنش، مقاسها حلو وبتتحرك بزاوية، والـ User Interface سهل وبسيط جدًا.

مكان الفلاشة اللي فوق على اليمين شكله غريب شوية، فخد بالك علشان غالبًا ممكن تخبطه بإيدك وتكسره.

من الخلف فيها الـ Holder لو هتستخدمها Multi Color، وحاجة حلوة جدًا هي
Activated Carbon Purification
وده نظام تنقية هواء علشان وأنت بتطبع ABS، وريحته مضرة، الفلتر ده بينقي الهوا.

البرنتر من الداخل

البرنتر من ال Stainless Steel بميكانيزم CoreXY.
الـ Bed بتوصل لدرجة حرارة 120 درجة ممتاز جدًا.
الـ PEI Sheet مزدوجة الجوانب، كأن معاك اتنين PEI، لو Side باظ تستخدم التاني، على عكس سلسلة Kobra 2.
كل Side له Texture مختلف، واحد ناعم والتاني أخشن.

محور Z على موتور واحد مع 2 Smooth Rods و3 Lead Screws.
مكان الـ Wiping لتنضيف النوزيل.
وفي فتحة خلفية بينزل منها الـ Poop، ويفضل تطبع له بارت مخصوص علشان ما يبهدلش المكان.
من الداخل على اليمين موجود الـ Auxiliary Fan للتبريد القوي خصوصًا لأول Layer.

الهيد

تصميم ممتاز جدًا زي البامبو، Magnet، وتقدر تشيل النوزيل والهوت إند بسهولة بطريقة Quick Release.

النوزيل نحاس بقطر 0.4 ويدعم 0.2 / 0.6 / 0.8 مم.
أهم ميزة إنه بيوصل لدرجة حرارة 320 درجة.
هو Direct Extruder، وموجود Sensor لاكتشاف الفيلمنت،
وكمان في Filament Cutter أوتوماتيك لتغيير الألوان والخامات.
الـ Throat من السيراميك لتحمل الحرارة والاحتكاك.

Tangle Detection

الميزة دي بتحل مشكلة تعقيد البكرة أثناء الطباعة.
أحيانًا البكرة بتتعقد، يا إما الفيلمنت يتقطع والطباعة تقف، يا إما البكرة تقع أو يحصل مشكلة في الـ Extruder.
هنا أول ما النظام يحس بتوتر عالي في الفيلمنت، يوقف الطباعة وينبهك.
تكنولوجيا فعلًا!

السرعة

السرعة بتوصل لـ 600 mm/s مع Acceleration 20000.
الـ Recommended Speed حوالي 300.
يعني الـ Benchy بينطبع في حوالي 15 دقيقة.

الفرق بين Speed و Acceleration زي العجلة في الفيزياء:
السرعة هي المسافة في الثانية،
والـ Acceleration هو الوقت اللي المكنة بتحتاجه علشان توصل من سرعة لسرعة أعلى.
زي العربيات لما يقولك من 0 لـ 100 في 3 ثواني.

رغم السرعة العالية، صوتها هادي حوالي 44 dB، ومع السرعات العالية يوصل 55 dB.
الجودة ممتازة مع السرعات العالية.
فيها كاميرا 480p لتصوير Timelapse أو متابعة الطباعة لايف.
وفيها Power-Loss Resume، يعني لو الكهرباء قطعت تكمل الطباعة عادي.

Calibration

نقطة تُحسب لـ Anycubic:
الـ Calibration بالكامل أوتوماتيك (Bed Leveling – Z Offset – Input Shaping).
من أول ما تطلعها من الكرتونة مش هتحتاج تعمل حاجة بإيدك.

السوفت وير

البرنتر شغالة بـ Klipper Firmware وده سبب السرعات العالية.
في تحديثات مستمرة.
الكاميرا فيها AI لاكتشاف الأخطاء أو الاسباكتي.
فيها WiFi وMobile App، وبتدعم Slicers كتير.
ميزة خطيرة جدًا: Object Skip
لو بتطبع أكتر من موديل وتفك واحدة من البيد، تقدر توقفها وتكمّل الباقي.

ACE Pro

شكله مميز، وتقدر تركب واحد كمان ليبقوا 8 ألوان.
فيه Dryer وRFID يتعرف على نوع ولون الفيلمنت.
يدعم Tangle Detection وAuto Feed.

الميزة الأخيرة بتخليك تكمّل الطباعة من بكرة لبكرة بدون تدخل منك.

بيشتغل بباور سبلاي منفصل،
بيجفف الفيلمنت أكتر من البامبو لكن أبطأ بحوالي 25% في تبديل الألوان.

ليه تختارها

– كوالتي تصنيع ممتازة رغم إن الجسم بلاستيك
– سرعة عالية جدًا
– Calibration سريع
– ACE Pro مميز
– سعر ممتاز مقابل الإمكانيات
– شاشة كبيرة
– مساحة طباعة أكبر من A1 Mini
– أقل سعرًا من P1S وقريبة من إمكانياته
– تدعم Resume

العيوب

– بروفايلات ABS وPETG محتاجة شغل بسيط
– تبديل الألوان أبطأ من بامبو
– هدر في تغيير الألوان
– صيانة الهيد أصعب شوية
– ACE مفيهوش مقياس رطوبة
– أحيانًا مشاكل مع البكر الكرتون الجديدة

نصائح بعد الشراء

– اعمل Update للـ Firmware
– غير النوزيل لـ Hardened Steel مع الخامات القوية
– اطبع Ring للبكر الكرتون
– استخدم Flushing Into بدل Tower
– كلمنا لو محتاج بروفايلات جاهزة

Anycubic نزلت منها نسخة Max
مساحة 350×350×350 مم
تطبع لحد 16 لون
Chamber يوصل لـ 65 درجة
نوزيل Hardened Steel
كاميرا 720p
ودعم Ethernet

الخاتمة

وبكده وصلنا للنهاية، قولنا المميزات والعيوب والنصائح.
إنت قرر هل هي مناسبة ليك ولا لا.
ولو عندك أي سؤال سيب تعليق، والدعم الفني هيتواصل معاك.
ولو في برنتر حابب نعمل عنها ريفيو قولنا.
تفتكر مين المنافس ليها؟ وهل نسخة Max أفضل؟