Report Elegoo Mars 5 Ultra

البرنتر اللي خليت الطباعة اسسسهل واسرع وبتدعم الذكاء الاصطناعي وبتصور وتحسها روبوت فعلا .

محتويات البوكس

طبعا المانويال وكااا العادة
اول حاجة معانا ال Adaptor وميزته انه خارجي ف البرنتر بتتوصل ب 24 فولت من ال Power Supply مش 220 فولت مباشر و دي ميزة وعيب في نفس الوقت علشان بتقلل الخطر علي الشاشة والبوردة من ارتفاع التيار وعيبه انه لازم ميضعش منك .
طبعا الفلاشة بس هنا بقي ممكن نستغني لان البرنتر بتدعم ال Wifi ( لما بنوصل الانتنة ).
وشوية حاجات طبعا بجنية الا ربع زي الجلافزات والفلاتر
ومعانا جزء بفكرة بسيطة اوي اسمه Resin Tray بس حركة حلوة منهم هي قطعة من البلاستيك اللي تقدر تركبها علي ال Tank علشان تشيل ال Buildplate منغير ماتنزل منك ريزن وانت متطمن .
اخيرا ال Chitubox license بتديك سنة اشتراك في Chitubox Pro ببلاش .

.نشوف بقي ال Buildplate

مع مساحة طباعة (153.36*77.76*165)
من اول ميكانيزم التثبيت اللي تتحسب ليهم أفضل من البكرة وسهولة ف الفك والتركيب وصناعتها من فوق بلاستيك بس الباقي Metal .
وهما فعلا عملوها ب اتقان وال texture اللي فيها زي مانتوا عارفين بيكون سبب كبير ان البارت يلزق ف ال plate ولو طابع عليها مباشر بتديك Fnish شكله كويس .
و الميكانيزم ال Dynamic دا والسست الموجودة في ال Plate تدينا جودة أفضل ف ال Leveling وكمان الزاوية الموجودة من الداخل ف ال Plate علشان الرين ينزل وميتخزنش فوق ال plate وتهدر خامات .

واخيرررررا الالجو Elgoo Mars 5 Ultra

-طبعا البرنتر من قدام بشاشة مختلفة ويشكل Vertical وال Interface أحدث وكمان الشاشة ألوان اكتر بس دا مش مهم اوي يعني .
Material والبرنتر مصنوعة من ال PVC ف دي حاجة مميزاها في حتة ال .
كمان من الخلف نلاقي مدخل ال USB ومكان ال Antenna ومدخل ال Power Supply وزرار ال Power.
لو بصينا علي التصميم هنلاقيه مختلف عن البرنتر اللي بنشوفها وكمان شيك اوي بصراحه بخليط من المعدن والبلاستيك .
الكافر Dark علشان يمنع أي تسريب لل UV برضو فيه مكان علشان لو هتركب Air Pure خارجي او (لو حتي هتركب مكنسة تشفط الهوا براحتك يعني اخر دلع بدل ما تخرم بنفسك وتبوظ الكافر وكمان تقدر تقفلها تاني)
في معلومة بقي انك لو الريزن بتاعك ال Viscosity بتاعته عالية ف هتحتاج Heater او ممكن بدل كده تركب Pump هوا سخن زي السشوار بتاع الشعر من الفتحه دي .
بس بصراحة لو كانت زي ال Saturn 4 Ultra الكافر بيفتح لفوق كانت هتبقي اجمل علشان تقلل من بصمات الريزن علي البرنتر وانضف طبعا
وع فكرة البرنتر فيها ميزة Advanced Overheat Protection عارف دي علشان لو البرنتر سخنت او البوردة او الشاشة هيحصلها حاجة بتعرفك وتوقف .

محور Z من خامات قوية بتستحمل وتديك ثبات اكتر شبه الالومنيوم لكن اخف .ولكن لو كان علي 2 هايونز كان هيبقي زي ال Saturn هيكون Stable اكتر اكيد
معاك القطع ال Rupper علشان ال Vibration وتقدر تتحكم فيها بالربط علشان توزنها .

التانــــــــــــــــــــــك Tank or Vat

اللي من المعدن وبصراحة احنا بنحترم Elegoo ف اماكن ال Guides دي اللي بتثبت فيها ال Vat بسهوله لا وكمان لو حطيته علي الترابيزا مش هيأثر ع ال FEB او يلمس الترابيزا .
وال FEB اللي متركب عادي مش ACF وهنقول لية كمان شوية
كمان تصميمه ال Friendly زي مابيقولوا علشان في مكانين تنزل منهم الريزن وهي ميزة لزيزة برضو .

الطابعة بتيجي بشاشة 7 إنش 9K Mono LCD بدقة 8520 × 4320 بيكسل، وده بيديها XY Resolution رهيب 18×18 ميكرون، يعني تفاصيل دقيقة جدًا حتى في أصغر المجسمات ب Layer Thickness 0.01-0.2mm .
سرعة الطباعة لحد 150 مم/ساعة، وده أسرع بكتير من أغلب الطابعات في الفئة دي، خصوصًا مع الحفاظ على الجودة

تقنية ال TILT TECH

وهنا الروبوت بقي او التكنولوجيا ألجديدة .
هي بتخلي البرنتر مع عملية الطباعة محور Z هيتحرك او يطلع وينزل اقل ما اتعودنا علشان ال Tank بيميل بزاوية لتحت يخليه يتغلب علي الضغط اللي بيخلّي القطعة تلزق في قاع الحوض
( ايوا اية انا استفدت اية ؟)
كده احنا هنرجع نستخدم ال FEB العادي بدل ال ACF ومش هيتأثر بالسرعات العالية وكمان حركة البرنتر في ال Z هتبقي اقل ف توفر وقت .
استني برضو هتحل مشكلة ال Bed Leveling اللي هتظبطه هي اتوماتك مع خاصية ال Self-Check & Automatic Leveling .

عيونك اللي موجودة ف البرنتر

Elegoo بتقولك انت هيبقالك عيون ف البرنتر تراقب مكانك وركبتلنا كاميرة مدعومة بالذكاء الاصطناعي ال AI يعني البرنتر لو حصل اي مشكلة في الطباعة هتوقف طباعة وتقولك ولو البرنتر حسيت ان الطباعة فشلت وبارت وقع ف الحوض برضو هتقولك علشان ميحصلكش كده
اقولك حاجة كمان انت ممكن تصور بيها الطباعة تايم لابس عادي زي كده علشان دكاترة الاسنان بقوا يهتموا بالتصوير جدا
او تفتح لايف تشوف الطباعة اخبارها اية وكمان تعرف مين اللي اتعامل مع البرنتر اخر مرة وكل الدكاترة هتحب دي اوي وعارفين لية

تعالي نتعرف ع الشاشة والسوفت وير هنشرح الشاشة وال Plug-N-Play اللي هو الاتو ليفلنج

استني بس ع فكرة البرنتر بتتدعم ال Resume علشان ناس كتير بتهتم يعني لو الكهرباء قطعت هتكمل عادي بعدها وممكن تكمل من علي بعد كمان من لابك لو موصلها بال WiFi.
بس طبعا Elegoo محترمة جدا ف بتستأذن انها تكمل طباعة ولا لا عكس Anycubic بعضها بيكمل لوحده اول ما الكهرباء ترجع.
طبعا اول حاجة تعملها لما تفتح البرنتر انك توصلها بال WiFi وتدخل تعمل Update للفيرموير .